Протеински Леб со Овес и Семки-Здрав и Вкусен Избор

Овој протеински леб е совршен избор за сите кои сакаат здрава и хранлива алтернатива на традиционалниот леб.

Направен од овес, котиџ сирење(може и грчки јогурт), јајца и различни здрави семки, овој леб е богат со протеини, влакна и здрави масти.

Без додадени шеќери и вештачки состојки, ова е идеален избор за појадок, ужина или како додаток на вашиот оброк.

Состојки:

• 220 г. овес
• 180 г. котиџ сирење (може и грчки јогурт)
• 3 јајца
• 4 лажици ленено семе
• 4 лажици непечен сончоглед
• 4 лажици семки од тиква
• 1 лажичка прашок за пециво
• 1 лажичка сол

Начин на подготовка:

1. Загрејте ја рерната на 180 C.
2. Измешајте овес, прашок за пециво и сол.
3. Додајте котиџ сирење( или грчки јогурт) и јајцата, добро измешајте.
4. Додајте ленено семе, сончоглед и семки од тиква и мешајте додека не добиете хомогена смеса.
5. Префрелете во калап и печете 35-40 минути.
6. Оставете го лебот да се излади пред да го исечете.

Нутритивни вредности по парче (ако го поделите на 10 парчиња):

Приближни калориски вредности по парче ( доколку лебот го поделите на 10 парчиња)

• Калории: ~ 216 kcal
• Протеини: ~ 9.8 г.
• Јаглехидрати: ~ 18.4 г.
• Масти: ~ 8.9 г.

Овој леб е одличен извор на здрави нутритивни состојки. Богат е со протеини и влакна кои помагаат во изградба на мускулна маса и подобрување на дигестијата.

Уживајте во здрава и вкусна алтернатива која ќе ги задоволи вашите нутритивни потреби.